Profesionais

Curso: Xeografía Vitivinícola de Galicia:

Dedicaremos 3 días a entender mellor as características das 5 denominacións de orixe de Galicia, as súas variedades de uva, chans e climas. Para fixar ben os conceptos importantes, teremos dúas sesións formativas durante os almorzos.

Programa:

3 días (2 noites) para mergullarche de cheo na cultura do viño de Galicia, coñecer as nosas viñas, paisaxes, climas e, o máis importante, as persoas que elaboran os nosos viños. Compaxinaremos as clases coas visitas, a mellor maneira de aprender e gozar: cada día repasaremos xuntos as características básicas de cada zona (variedades, climas, chans, etc.) para entender mellor os viñedos e as adegas que visitamos. As visitas serán 2 adegas cada xornada e cataremos ademais nos comidas viños doutras adegas, incluídos viños de Valdeorras e Monterrei e de zonas menos coñecidas.

• Día 1: Rías Baixas (noite en O Ribeiro)
• Día 2: Ribeiro (noite en Ribeira Sacra)
• Día 3: Ribeira Sacra

A quen vai dirixido:

A profesionais do sector (adegas, distribución, hostalería) que desexen coñecer en profundidade os viños galegos, as nosas viñas e algúns dos elaboradores máis destacados. Aínda que con formato de viaxe, trátase dun curso técnico, no que dedicaremos o noso tempo para visitar viñas e adegas e a recibir formación sobre as distintas zonas de produción de viños en Galicia.

Coñecementos previos:

Non son necesarios pero é conveniente ter vinculación profesional co sector do viño.

Número de viaxeiros:

Grupos reducidos para que podamos gozar dos detalles.