Unha fin de semana de viños!
Viaxe de 2 díasDescrición:
2 días (1 noite) para achegarche aos segredos escondidos dos viños galegos. Paisaxes de fábula, personaxes que non che deixarán indiferente e gastronomía e viños que espertan admiración en todo o mundo. Propoñémosche visitar 2 adegas pero combinarémolo con actividades deportivas ou culturais e paseos pola natureza. E sen esquecer, por suposto, comer e beber sen présas.
A quen vai dirixido:
A afeccionados do viño, da gastronomía, da natureza, da cultura. A todas as persoas que gocen de compartir un fin de semana rural con amigos e familia á vez que aprender un pouco máis sobre os viños de Galicia.
Número de viaxeiros:
Seremos un grupo reducido para poder gozar dos detalles.
Desprazamentos:
En coche particular, por conta dos viaxeiros. Pero, se prefires esquecerte do coche para probar viños sen preocupacións, nós podemos encargarnos. O custo adicional sería de 30€ por persoa.
Acompáñote
Para que non teñas que preocuparte por nada, eu irei guiando as visitas e os desprazamentos. Ademais, o sábado antes da cea, teremos un pequeno curso de viños (1,5 horas) para coñecer mellor os nosos sentidos e gozar máis do viño.
E se prefiro un plan específico para mín?
No caso de que non che vaia ben a data ou que prefiras pasar o fin de semana co teu grupo de amigos, podemos organizar un fin de semana específico para ti. Só tes que contactar connosco e contárnolo.
Queres regalar esta experiencia?
Unha vez formalizases a reserva, podes descargar aquí o bono regalo. Para que sexa válido só terás que cubrir o apartado “Código de pedido” co número que recibirás no teu email de confirmación ao finalizar a compra:
Qué inclúe:
- Aloxamento en habitación dobre en réxime de media pensión
- 2 Comidas (sábado e domingo)
- 2 Visitas a adegas
- 2 Catas en adegas
- 2 Rutas ou visitas culturais
- 1 Curso de viños (1’5 horas)
- Organización, guía e reservas
Rúa do Pazo, 8
36208 Vigo
España-Spain